Yn gryno
Mae cefnogaeth ystafell ddosbarth mewn ysgolion yn hanfodol wrth helpu plant fodloni eu llawn potensial – ac os yw gweithio mewn rôl gefnogi yn apelio atoch, yna bydd y cwrs hwn yn darparu'r wybodaeth sydd angen i chi ei gwybod.
Mae'r cymhwyster hwn yn darparu dysgwyr â dealltwriaeth fanwl o'r wybodaeth a'r sgiliau sydd eu hangen wrth weithio'n uniongyrchol â phlant a phobl ifanc mewn ysgolion a cholegau. Bydd yn cwmpasu pob agwedd ar gymorth arbenigol, gan gynnwys cynllunio, cyflwyno ac adolygu strategaethau asesu i gefnogi dysg ochr yn ochr â'r athro; datblygiad personol ac ymarfer myfyriol.
Bydd disgwyl i chi ennill profiad ymarferol o weithio mewn rolau sy'n cefnogi dysg disgyblion mewn ysgolion cynradd, uwchradd ac ADY, neu golegau, am 1 diwrnod yr wythnos fel gweithiwr neu wirfoddolwr. Mae'n bwysig eich bod yn trefnu eich lleoliad cyn cofrestru.
...ydych eisiau gweithio gyda phlant neu bobl ifanc mewn sefyllfa ddosbarth
...ydych eisiau bod yn gynorthwyydd dosbarth neu gynorthwyydd cymorth dysgu
Mae'r cwrs yn cydnabod y gwaith cymorth hanfodol a wneir mewn ysgolion a cholegau, a chynlluniwyd ef i hwyluso dilyniant a throsglwyddiad ar draws gweithlu'r plant o fewn ysgolion a cholegau. Byddwch yn cwblhau 11 uned orfodol drwy gydol y flwyddyn. Asesir rhai yn ysgol/coleg eich lleoliad gwaith, a bydd angen gofyn am aseiniad ysgrifenedig er mwyn dangos eich dealltwriaeth o'r pwnc ar gyfer y rhan fwyaf o'ch unedau.
Caiff pob uned ei hasesu ar wahân trwy ystod o ddulliau asesu.
Mae’r cwrs hwn yn ychwanegu cymorth ar gyfer dilyniant a throsglwyddo ar draws gweithlu’r plant mewn ysgolion.
Mae ymrwymiad llawn i bresenoldeb yn ofynnol, yn ogystal â pharch tuag at eraill, y gallu i gymell eich hun a brwdfrydedd tuag at y diwydiant gofal.
Yn dilyn y cwrs hwn, gallwch symud ymlaen i gyflogaeth mewn swyddogaethau megis cynorthwyydd dosbarth neu gynorthwyydd cymorth dysgu.
4 x cymhwyster TGAU, gradd C ac uwch, neu gwrs Lefel 2 mewn Cefnogi Addysgu a Dysgu neu gymhwyster CCPLD Lefel 2.
Rhaid i ddysgwyr allu bodloni gofynion y canlyniadau dysgu a meddu ar y sgiliau llythrennedd a rhifedd priodol sydd eu hangen i gwblhau'r cwrs. Os nad oes gennych y cymwysterau uchod ond bod gennych brofiad helaeth o weithio ym myd addysg, gallwn drafod eich opsiynau yn ystod y cyfweliad mynediad.
Cynhelir cyfweliad mynediad gydag Arweinwyr Cwrs i egluro hyn ar gyfer Lefel 3 STL i sicrhau eich bod ar y cwrs cywir.
Ar ôl sicrhau eich lle, bydd gofyn i chi gael gwiriad DBS Manwl boddhaol drwy'r coleg (bydd modd iddo gynorthwyo â hyn).
